السلام عليكٍ يا أم المؤمنين سيدتي خديجة بنت خويلد سلام اللہ علیھا

یا ام المومنین بی بی خدیجہ سلام اللہ علیہا سب ادنیٰ غلاموں کا سلام عاجزآنہ قبول فرمائیے ہم گناہ گار کیا اور ہمارا ہدیہ سلام کیا، آپ تو وہ عظیم ترین ہستی ہیں کہ جنہیں خود اللہ تبارک تعالیٰ سلام کہتا ہے۔ کرم فرما دیجئے اور اپنے بچوں کے غلاموں کے غلاموں میں شامل فرما دیجئے کیا ہی اعلی مقام ہے حضرت بی بی خدیجہ سلام اللہ علیہا کا کہ جبریل علیہ السلام انہیں اللہ تبارک وتعالیٰ کا سلام پہنچانے خانہ نبوت میں تشریف لاتے ہیں، اور فرماتے ہیں: اے اللہ کے رسول، خدیجہ سالن کا پیالہ لے کر آ پ کے پاس آیا چاہتی ہیں، جب وہ آپ کے پاس پہنچ جائیں تو اُن سے اُن کے رب کا سلام کہیے اور میری طرف سے بھی سلام کہیے اور انہیں بشارت دے دیجئے، جنت میں ایک ایسے محل کی جو موتی چھید کر بنایا گیا ہے۔ ایسا محل جس میں نہ کوئی شور ہو گا اور نہ کوئی اندیشہ۔ سبحان اللہ الــســــلام عــــلــیك یا بی بی خــدیــــجــة الــکــــبریٰ سلام اللہ علیہا

Hadrat Khudaijah tul Kubrah Aleihi salatowassalaam, Salaam ALLAHu Ta’ala alehi

__ام المومنین حضرت خدیجہ سلام اللہ علیہ__ آپ [سلام اللہ علیہا] اسلام سے 15 سال قبل رسول اکرم صلی اللہ علیہ وآلہ وسلم کی زوجیت میں آئیں ۔حضرت خدیجہ سلام اللہ علیہا پہلی فرد تھیں جو آق کریم رسول اللہ صلی اللہ علیہ وآلہ وسلم پر ایمان لائیں اور ایمان لانے کے بعد پوری قوت کے ساتھ دین اسلام کی ترویج میں لگ گئیں ۔آپ نے اپنی تمام دولت وثروت دین الٰہی کی ترویج و اشاعت کے لئے رسول اکرم صلی اللہ علیہ وآلہ وسلم کے حوالے کردی اور ہمیشہ آپ صلی اللہ علیہ وآلہ وسلم کی مونس و مددگار رہیں ۔حضرت بی بی خدیجہ سلام اللہ علیہا کی ذات گرامی رسول اکرم صلی اللہ علیہ وآلہ وسلم کے لئے اتنی زيادہ اہم تھی کہ اس عظیم خاتون کی رحلت کو رسول اکرم صلی اللہ علیہ وآلہ وسلم نے بڑی مصیبت قراردیا ۔حضرت خدیجہ سلام اللہ علیہا کی رحلت پر رسول اکرم صلی اللہ علیہ وآلہ وسلم نے اشک بار ہو کر فرمایا تھا کہ : خدا کی قسم خدیجہ (س) سے بہتر خدا نے مجھے کوئی چیز عطا نہیں کی ، وہ اس وقت مجھ پر ایمان لائیں جب لوگ کفر میں مبتلا تھے اس وقت میری آواز پر لبیک کہا جب لوگ مجھے جھٹلاتے تھے اور اس وقت اپنے مال و ثروت میں برابر کا شریک قراردیا جب لوگوں نے مجھ سے رشتہ توڑ لیاتھا ۔واضح رہے کہ اسی سال رسول اکرم صلی اللہ علیہ وآلہ وسلم کے چچا حضرت ابوطالب کی بھی وفات ہوئی تھی اور ان دونوں کے شدید غم کے سبب رسول اکرم صلی اللہ علیہ وآلہ وسلم نے اس سال کو غم کا سال قراردیا تھا۔